Натпреварите од Лејдис купот кој се играше во Бразил требаше да донесе дополнителна промоција на женскиот фудбал во Јужна Америка, но наместо тоа, на еден меч се случи хаос.
На теренот беа фудбалерките на бразилски Гремио и аргентински Ривер плата, а неочекуваниот хаос започна по израмнувачкиот погодок на Гремио. Поради протести и физички напад на противнички играч беше исклучена Кангаро.
Сепак, наместо да се смират страстите, потоа започна лудилото. Организаторите сметале дека Лејдис купот ќе биде мирољубив, па воопшто не ангажирале редарска служба, а немаше ни полиција. Тоа им даде дополнителна сила на фудбалерките на Ривер плата кои прво се караа со судиите, а потоа се нафрлија и на едно момче кои беше задолжено да ги додава топките.
Момчето им се спротистави на фудбалерките на Ривер, па малку фалеше да има и физичка пресметка. Кога заврши целиот неред, судијата исклучи вкупно шест фудбалерки на Ривер плејт и во тој момент мечот автоматски заврши.
Jogadoras do River Plate indo pra cima do Gandula, no momento nem tinha políciamento e as próprias jogadoras do Grêmio e a organização tendo que ir atrás para impedir a agressão. pic.twitter.com/zuBGyWxssR
— Trombada da Jheniffer na Agustina (@raisa_silva13) December 20, 2024
На теренот беше забележан и момент на расизам, кога една од гостинските фудбалерки навредуваше црномуреста фудбалерка на Гремио со гестикулации како мајмун.
LAMENTÁVEL 😡 Veja o momento em que a jogadora Candela Díaz, do River Plate, imitou um macaco na partida contra o Grêmio, nesta sexta (20).#EsporteNaBand pic.twitter.com/bjJ15W9kGF
— Esporte Na Band (@esportenaband) December 21, 2024
По мечот, стигна известување со жалење за инцидентот и прекинот.
„Ривер плата изразува апсолутно жалење поради дискриминаторното однесување во текот на мечот против Гремио. Од клубот веќе се преземени соодветни дисциплински мерки и ќе продолжиме да работиме на искоренување на овој вид на понижување“, стои во соопштението на аргентинскиот клуб.
Од Гремио решија да објаснат зошто се случи целиот хаос.
„Јавно изразуваме жалење поради тоа што се случи на мечот со Ривер плата. По нашиот израмнувачки гол, нашите фудбалерки реагираа кај судиите бидејќи гостинките постојано упатуваа навреди кон момчето кое ги собираше топките. Одлучија да застанат во негова одбрана, но потоа и тие станаа цел на расистички напади. На крајот, мечот заврши откако шест фудбалерки на Ривер добија црвен картон. Длабоко жалиме за инцидентот, но цврсто стоиме зад момчето и нашите фудбалеркикои беа нападнати на неприфатлив начин. Целиот настан е пријавен во полиција и ќе бараме соодветни казни“, се вели во соопштението од Гремио.
