Со гласање на 592 претставници на САД на Олимписките игри во Париз одлучено е машки знаменосец на Американците на свеченото отворање в петок вечерта да биде кошаркарот Леброн Џејмс.
Леброн ќе биде еден од двајцата знаменосци на тимот на САД, а утре ќе биде објавено името на спортистката која ќе му прави друштво.
Џејмс е првиот маж кошаркар кој ја доби оваа чест и ќе ја предводи големата делегација на отворањето кое нема да биде на стадион, туку покрај реката Сена во главниот град на Франција и наместо по атлетска патека, спортистите ќе парадираат со чамци.
Најдобриот стрелец во историјата на НБА-лигата има две олимписки злата (2008 и 2012 година) и една бронза (2004), а не учествуваше на претходните две ЛОИ. Сега се враќа, ова ќе му бидат последни Олимписки игри во кариерата.
