Денешните резултати од Бундеслигата беа шокантни, имаше еден куп изненадувања, а се испиша и историја.
За првпат во историјата се случи во исто коло на свој терен да загубат Баерн Минхен, Борусија Дортмунд и Баер Леверкузен. Овие три големи клуба загубија во исто коло за првпат после 18 сезони (ова се немаше случено од 20-тото коло во сезоната 2006/2007), но денеска сите загубија на свој терен што досега не беше видено и сензацијата ја прави уште поголема.
Особено шокантно беше она што се случи во Минхен. Баерн водеше со 2-0 против аутсајдерот Бохум кој беше претпоследен на табелата, а на крај загуби со 2-3. Баварците дома немаа загубено бундеслигашки меч на кој воделе со два гола разлика уште од далечната 1982 година.
