Аргентинскиот гигант Ривер плејт и германскиот производител на спортска опрема „Адидас“ денеска одбележуваат 40 години соработка без прекин.
Аргентинскиот тим на социјалните мрежи објави видео со кое ја одбележа четиридецениската соработка со „Адидас“.
https://twitter.com/i/status/1719769371478819174
Соработката меѓу Ривер и „Адидас“ започна во сезоната 1982/83 и е втора најдолга соработка која ја има германскиот производител на спортска опрема со еден тим без прекин.
Очекувано, „Адидас“ најдолго соработува со германскиот шампион Баерн Минхен. Нивната соработка започна во 1974 година и тешко дека ќе биде прекината бидејќи „Адидас“ поседува дел од акциите во Баерн.
