Екипата на Валенсија продолжува со катастрофалните игри во шпанската Ла Лига. “Лилјаците“ вечерва загубија и од директниот конкурент за опстанок, екипата на Алмерија, со 2-1.
Резултатот го отвори Гонзало Мелеро во 49-тата минута.
На 2-0 зголеми српскиот интернационалец Срѓан Бабиќ во 58-та минута.
Почесниот погодок за Валенсија беше дело на Саму Кастиљехо во 61-та минута.
Валенсија на 10 првенствени кола до крајот на шпанската Примера е на 18-тата позиција со 27 бодови, колку што има и Еспањол на 19-тото место. Најблискиот конкурент над опасната зона им е Ваљадолид со 29 бодови, додека Алмерија со денешната победа се искачи на 16-тата позиција со 30 поени.
