Легендарниот холандски голман, Едвин ван дер Сар (52 години), моментално се наоѓа во болницата во Сплит и тоа на интензивна нега, открива Далматински портал.
Засега не се знае дали Ван дер Сар имал некоја повреда на главата или му се слошило, но имал силни главоболки и одредени неутолошки тегоби, поради што со хеликоптер бил префрлен од островот Хвар во болницата во Сплит.
Ван дер Сар имаше блескава кариера. Беше еден од главните играчи во Ајакс во генерацијата од 90-тите години. Во 1995 година ја освои Лигата на шампиони. Потоа бранеше во Манчестер јунајтед каде освои четири титули во Премиер лигата, но и Лигата на шампиони во 2008 година. Бранеше и за Јувентус и Фулам и со двата клуба го освои Интертото купот.
До неодамна беше на директорската функција во Ајакс, каде помина 11 години во функција во својот матичен клуб.
