Легендарниот тренер на Ајакс и актуелен селектор на холандската фудбалска репрезентација, Луи ван Гал, на гостување во една телевизиска емисија, откри дека боледува од агресивен облик на рак на простатата.
Ван Гал откри дека веќе имал 25 циклуси на зрачење и дека во болницата одел само ноќе за да не го откријат ниту новинарите, ниту фудбалерите. Не сакал претходно да открива за неговата болест за тоа да не влијае на репрезентативците пред значајните мечеви кои ги имаа.
Стратегит засега не откри дали ќе земе пауза поради здравствените проблеми, како што направи кога падна од велосипед кога го повреди колкот. Сепак, сега се работи за многу посериозен здравствен предизвик и останува да видиме дали Ван Гал ќе биде во можност да ја предводи репрезентацијата на Холандија на Светското првенство кое за седум месеци ќе започне во Катар.
По објавувањето на лошата вест, Ван Гал доби стотици пораки со поддршка да успее да ја победи опасната болест.
Everybody at Manchester United is fully behind our former manager, Louis van Gaal, in his battle against cancer.
Sending you strength and courage, Louis ❤️ pic.twitter.com/axcB7mV5To
— Manchester United (@ManUtd) April 3, 2022
Ван Гал повеќе од 30 години работи како тренер, а започна во Ајакс во 1991 година каде остана до 1997 година. Во кариерата ги има предводено и гигантите Барселона, Баерн Минхен, Манчестер јунајтед, а беше на чело и на АЗ Алкмар. Прв пат како селектор на Холандија се појави во 2000 година, но по само една година си замина. Вториот пат селектор беше во перидот од 2012 до 2014 година, а од минатата година по трет пат седна на селекторското место на Лалињата.
