Напаѓачот на Феенорд, Робин ван Перси, одлучи да стави крај на својата фудбалска кариера. Холанѓанецот соопшти дека тоа ќе го стори по крајот на оваа сезона, на триесет и шестгодишна возраст.
„Оваа сезона најверојатно е последна за мене. Ќе наполнам 36 години, ќе ми биде 18-та сезона како професионален фудбалер, па сметам дека тоа е доволно. Мило ми е што се вратив во Феенорд, да завршам онаму каде што и почнав. Од пет години се заминавам со фудбал, па мислам дека е време“, истакна Ван Перси.
Триесет и петгодишниот голгетер кариерата главно ја помина во Премиер лигата, пред сè како играч на Арсенал, а потоа го носеше и дресот на Манчестер јунајтед, каде што освои една Премиер лига. За холандската репрезентација одигра 102 натпревари, а со 50 погодоци е најдобар стрелец во историјата на националниот состав на „лалињата“.
