Уште долго време ќе се зборува за синоќешниот дуел меѓу Манчестер сити и Тотенхем. Првиот меч во историјата на ЛШ на кои имало четири гола во првите 11 минути, ќе се памти и по завршните моменти. „Граѓаните“ дадоа гол за 5-3 во 92-рата минута, но радоста траеше кратко.
Со помош на ВАР-технологијата беше утврдено дека погодокот е нерегуларен и беше поништен. Тоа беше шок за сите фанови на Сити. Еден навивач толку тешко го поднесе поништениот погодок и елиминацијата од ЛШ, што го искршил телевизорот на кој гледаше.
