Конечно и Првата фудбалска лига на Македонија добива ВАР систем. Од новата сезона која почнува задутре, ќе се применува видео-технологијата со која би требало да се елиминираат нерегуларностите и критиките кон судиите после некој спорен момент.
„Горд сум на тоа што го направи Федерацијата за само четири месеци и комплетно го подготви ВАР системот. За тоа добивме признание и од УЕФА и од ФИФА за експресната работа. Ова е инвестиција во фудбалот, за подобар фудбал во Македонија“, изјави претседателот на ФФМ, Масар Омерагиќ.
