Белгија загуби од Словачка со 0:1, иако фаворитот постигна два гола на овој меч. Двата погодоци на белгиската селекција беа поништени по сиганлизација на ВАР-системот.
Посебно интересен беше моментот во 88-мата минута, кога Лиос Опенда додаде со Ромелу Лукаку, а овој постигна погодок, кој подоцна беше поништен, и тоа поради играње со рака на асистентот на голот.
Главниот судија Умут Мелер ја гледаше ВАР-снимката, која првпат покажа еден досега непознат детаљ, кој многу потсетува на ЕКГ. Во топките кои се користат на ЕП има вградено микрочип со сензор кој детално го следи и го регистрира секој допир, а податоците се испишуваат во вид на линија.
Во моментот кога Опенда ја допре топката со рака, линијата престана да биде рамна.
Новата технологија се нарекува сникометар, што е систем кој се користи во крикетот за одредување дали топката ја погодила палката за потенцијално исфрлање. На ЕП синоќа првпат беше емитирана графиката која открива допир на топката со рака.
The first goal in football history disallowed by a ‘snickometer’ 😱
Read more 👉 https://t.co/uufAMT4Eto pic.twitter.com/CP8l96FtTn
— Mail Sport (@MailSport) June 17, 2024
