Атлетико Мадрид ја продолжи неверојатната серија од 24 меча без пораз против Хетафе, но и не успеа да победи што е кикс за нив во Ла Лига.
Мечот во мадридскот дерби заврши нерешено 1:1, со неколку интересни ситуација, меѓу нив највпечатливаа таа од 60. минута кога Анхел Кореа му донесе предност на Атлетико со првиот гол на мечот.
Погодокот беше првично поништен од судијата Лахоз, а Кореа беше заменет и за чудо сепак се радуваше, бидејќи со помош на ВАР системот погодокот беше признат како регуларен.
https://twitter.com/i/status/1621955231109025793
Соиграчите на Кореа се радуваа со него покрај клупата за резерви кај домаќинот, но радоста им ја скрати Енес Унал во финишот.
Унал израмни на 1:1 со гол од пенал во 83. минута со што и донесе златен бод на претпоследната екипа во Ла Лига.
Во истиот термин се случија уште две изненадувања во Топ-5 лигите во Европа. Борусија Менхенгладбах не успеа да го победи Шалке 04 и ремизираше без голови дома во меч од Бундеслигата, а и Њукасл иако беше фаворит против Вест Хем одигра само 1:1.
