Вардар без никакви проблеми стигна до убедлива победа од 6:1 над Шкупи, во меч од 15. коло во Првата македонска фудбалска лига. Со овој триумф Вардар останува на првото место на табелата со 39 бодови, еден повеќе од Струга ТЛ која е второпласирана со 38 бодови.
Шкупи до 36 минута одолеваше на нападите на Вардар, а потоа за само две минути беа видени два гола. Во 36 минута погоди Горан Закариќ, а веќе во следната минута, истиот играч зголеми на 2:0 што беше резултат по првото полувреме.
Вардар продолжи да напаѓа и во вториот дел, а одбраната на Шкупи повторно капитулираше. Само што почна второто полувреме, Вардар даде трет гол, а стрелец беше Талевски. Потоа следуваше шоу на Азар Омерагиќ кој прво погоди во 57 минута за 4:0, а потоа повторно беше прецизен во 79 минута. Меѓу двата гола на Омерагиќ, почесен погодок за гостите даде Марио Станковски. Шкупи остана на дното на табелата со само еден бод во 15 меча.
