Вардар игра во шампионски стил во пролетниот дел од сезоната, урива рекорди и 14 натпревари не знае за пораз. Серијата продолжи и денеска на Чаир, каде „црвено-црните“ славеа со 0-2.
Роџерс Мато во 45-тата минута и Мислав Матиќ во 70-тата минута беа стрелци за Вардар на дербито.
Пред околу 3.000 гледачи на Чаир, Вардар не потклекна и одигра одличен натпревар. Успеа да стигне до пораз и без шефот на стручниот штаб Гоце Седлоски кој беше исклучен во првото полувреме.
Непосредно по неговото заминување, Роџерс Мато погоди за 0-1 во 45-тата минута, откако шутираше прецизно откосо од десната страна и ја испрати топката во спротивниот долен агол.
Во вториот дел, Вардар постигна и втор погодок, а стрелец беше дефанзивецот Мислав Матиќ. Закариќ нафрли од слободен удар, а Матиќ со удар со глава го матираше Денковски од петерецот.
Со овој триумф Вардар има 38 бода и се наоѓа на шестата позиција, а веројатно ќе го мине и Гостивар, доколку овој тим не продолжи да се натпреварува до крајот на шампионатот.
