Најтрофејниот македонски фудбалски клуб Вардар го престави и третото засилување во летниот преоден рок. Црвено-црниот дрес во следната сезона ќе го носи 23-годишниот крилен играч Лука Трајкоски.
Иако е млад и има 23 години, Трајкоски веќе има стекнато искуство и настапувајќи за екипите на Победа, Борец и Македонија Ѓорче Петров досега има преку 100 настапи во првата македонска фудбалска лига.
Вардар моментално е на подготовки во Златибор, каде веќе одигра еден контролен меч против Металец (1:1), а денеска од 18:30 часот ќе игра против Бокељ Котор од Црна Гора.
