Вардар го пречекува Шкупи во скопската пресметка, а Струга ТЛ е домаќин на Башкими, во двата меча кои денеска ќе се играат во рамките од 15 коло на Прва фудбалска лига на Македонија.
Вардар е лидер на табелата со 36 бодови и тоа е единствениот тим без пораз. За разлика од нив, Шкупи е на дното на табелата со само еден освоен бод. Во првиот дел од сезоната, Вардар како гостин победи со 4:2, а сега се очекува уште полесен триумф на Црвено-црните. Овој меч се игра од 13:00 часот.
Струга Трим Лум кој е најголемиот ривал на Вардар во трката за титулата, на свој терен игра против Башкими. Струга имаше моќно преставување на првиот меч во Куманово и победи со убедливи 5:0, па сега ќе биде чудо ако домашниот тим не забележи убедлива победа.
