Фудбалскиот клуб Вардар реши да му даде договор на Бразилецот Педрињо, кој досега беше на проба. Стручниот штаб бил задоволен од виденото и Педрињо ќе биде засилување за Црвено-црните.
„По одработените комплетни подготовки со екипата, стручниот штаб на чело со Бобан Грнчаров одлучи да го задржи 22-годишниот бразилски офанзивен играч за врска Лелис Фигуередо Педрињо, кој ќе биде шесто засилување за Вардар во летниот преоден рок. Доаѓа од екипата на Минор Перник, а во досегашната кариера настапувал и за бразилските екипи на Индепенденте де Лимеира и Наутико.
Добре дојде во најтрофејниот клуб во Македонија Педрињо!“, објавија вардарци.
