Фудбалерот на Вардар, Роџерс Мато, беше главна ѕвезда на мечот од африканските квалификации за пласман на Светското првенство 2026. Тој со два гола ја предводеше Уганда до убедлива победа од 4-0 над Мозамбик со што останаа во трката за пласман во баражот, иако имаат шанси и за дирекен пласман на Мундијалот.
Мато погоди во 70-тата и во 84-тата минута за 2-0, односно 3-0, па Уганда со 12 бода е на делба на втората позиција токму со нивниот денешен противник, Мозамбик. Лидер во групата е Алжир со 18 поени, а до крајот треба да се одиграат уште три кола.
