Камерунскиот играч за врска, Данел Донгмо, би можел да го напушти Вардар, затоа што има примамлива понуда од романскиот суперлигаш Петролул Плоешти.
Донгмо (24) е еден од подобрите поединци во Вардар, а неговите добри игри не останаа незабележани, па тој е пред разделба со Црвено-црните и преселба во Петролул.
Мечот со Тиквеш во Кавадарци му беше последен во дресот на Вардар. Донгмо нема пасош од земја на ЕУ, и ќе му треба одреден временски период за да ги комплетира документите, пишуваат романските медиуми. Затоа малку е веројатно дека ќе може да дебитира веќе против Универзитатеа Крајова в недела на 24-ти.
