Актуелниот освојувач на Купот на Македонија, скопски Вардар, откако се засили со двајца репрезентативци на Уганда, но и со Давид Бабунски, на прагот е да доведе уште неколку квалитетни засилувања.
Еден од нив е и голманот со двојно државјанство, македонско и босанско, Ведран Ќосевски. Триесетгодишниот голман во моментов е член на Струга, но се очекува да го засили Вардар. Ќосевски беше дел од шампионската генерација на стружани, а во својата кариера настапуваше и за Естегал од Иран, како и во босанските Железничар од Сараево и Вележ од Мостар.
