Ждрепката за полуфиналето од Купот на Македонија во ракомет за мажи сакаше домаќинот ГРК Охрид да се сретне со Еурофарм Пелистер, додека во скопското полуфинале ќе се борат Вардар 1961 и актуелниот освојувач на Купот, Алкалоид.
Полуфиналните мечеви се закажани за 31 мај во Охрид. Првото полуфинале треба да биде од 17 часот и во него ќе играат најтрофејниот Вардар и Алкалоид, а од 19.30 часот ќе биде дуелот на охридските Гладијатори и фаворизираните битолчани.
Финалето е закажано за 1 јуни во 17.30 часот.
