По подолго време, најтрофениот македонски фудбалски клуб Вардар, во својот состав има репрезентативец. Не се работи за фудбалер кој е дел од македонската национална селекција, туку за Уганда.
Засилувањето од зимскиот преоден рок, Даниелс Мато е повикан да биде дел од селекцијата на Уганда за престојните два меча од квалификациите за пласман на Светското првенство во 2026 година.
Талентираниот 21-годишен Мато уште пред три години дебитираше во националниот дрес на Уганда и веќе има 26 настапи, а постигнал и четири погодоци. Уганда на 17 март ќе гостува кај Мозамбик во дуел од петото коло во квалификациите за СП 2026, а една недела подоцна на свој терен ќе игра против Гвинеја.
По четири одиграни кола, Уганда има две победи и два порази и има шест бодови, колку што имаат и Боцвана и Гвинеја. На првите две места се Алжир и Мозамбик со по 9 бодови.
Мато се наоѓа во добра форма, а тоа го покажува и со игрите во дресот на Вардар. Пред само неколку дена тој постигна прекрасен гол во победата на Црвено-црните на гости кај Струга Трим Лум кога погоди од далечина.
Мето е во добра форма
