Најтрофејниот македонски фудбалски клуб Вардар уште се нема израдувано на првата победа во 2019 година. Во пролетниот дел од првенството, „црвено-црните“ претрпеа два порази во кои не успеаа да дадат ниту еден гол. Најпрво загубија во дербито од Шкендија (на Вардар не му беше признат чист погодок), а потоа немаше оправдување за поразот од 4:0 на гости кај Ренова.
Сега Вардар е домаќин во дуелот со градскиот ривал Македонија Ѓорче Петров. Мечот се игра на стадионот во Маџари со почеток во 14 часот за кога се закажани и останатите мечеви во ова коло меѓу Академија Пандев – Шкупи, Победа – Работнички, Шкендија – Беласица и Силекс – Ренова.
Вардар и Македонија ЃП сезонава веќе одиграа три меча, а билансот е по една победа на двата тима и едно реми. „Лавовите“ го елиминираа Вардар во осминафиналето од Купот на Македонија, а „црвено-црните“ победија во првенството со 3:1.
