Актуелниот освојувач на ракометниот Куп на Македонија, скопски Вардар, донесе две нови засилувања за следната сезона. Се работи за Аргентинецот, Николас Боно, како и за јапонскиот инернационалец, Харуки Кавада.
Боно доаѓа од француски Истр, а настапува и за репрезентацијата на Аргентина, додека Кавада е младински репрезентативец на Јапонија, кој беше дел од селекцијата која настапи на неодамнешното Светско првенство во Полска. Јапонецот важи за еден од најголемите ракометни таленти во својата земја.
