Екипата на Гостивар е домаќин на Вардар во меч од 23 коло на Прва фудбалска лига на Македонија. Со ова коло започнува третиот, последен круг од шампионатот. Гостивар имаше шест победи во првите седум кола сезонава, но потоа овој тим заигра многу подобро и сега е без пораз на последните 15 средби, односно од 17 септември минатата година кога загуби од Македонија Ѓорче Петров со 3:0.
И Вардар се засили па во пролетниот дел од сезоната има две победи, едно реми и еден пораз. Пред неполн месец Вардар гостуваше кај Гостивар и одигра 1:1 во натпревар на кој двата гола беа постигнати во финишот на дуелот.
Овојпат Црвено-црните во Гостивар одат по освојување на три бода и прекинување на речиси шестмесечната низа на домаќините без пораз во првенството.
Според коефициентите, на денешните шест меча од Прва лига, фаворитската улога ја имаат домаќините.
