Ракометарите на Вардар со убедлив триуф на гостувањето кај Струга го започнаа новото првенство во Супер лигата. „Црвено-црните“ славеа со убедливи 25-38, а победата ја обезбедија уште во првото полувреме, кое заврши во нивна корист со 11-20.
Јапонскиот интернационалец, Харуки Кавада, беше најефикасен на мечот со девет гола од 11 обиди, додека во поразената екипа се истакна Стефан Атанасовски со седум гола од осум шута.
Првото коло од Супер лигата продолжува утре, а дербито помеѓу Алкалоид и Охрид ќе се одигра во среда во 18:30 часот во салата „Автокоманда“.
