Фудбалерите на Вардар следната сезона ќе играат во Првата македонска фудбалска лига откако денеска во Струмица на стадионот „Благој Истатов“ во баражот ја совладаа екипата на Детонит Струмица со 2:0.
Ова е втора година по ред Црвено-црните преку бараж натпревар да си го решаваат пласманот во Првата лигата. Минатата сезона преку баражот се вратија во Првата лига, а сезонава обезбедија опстанок.
Вардарци работата ја завршија за четири минути и тоа во финишот од првиот дел. Подобрата играта во првото полувреме беше крунисана со голот на Ѓуриќ во 42-та минута, а само четири минути подоцна, Лука Шушњара со одличен гол ги реши дилемите околу победникот.
Во второто полувреме, Црвено-црните ја препуштија контролата на топката на играчите на Детонит, се фокусираа на одбрана на својот гол и успеаја во својата намера зачувувајќи ја предноста од 2:0 со која го обезбедија опстанокот во Првата македонска фудбалска лига.
