Ракометарите на Вардар 1961 се подготвуваат за дуелот со Нексе од четвртфиналето во СЕХА лигата, Црвено-црните ќе бранат минимална предност од 31-30 од првиот меч во Загреб.
Го нема капитенот и пикер Стојанче Стоилов, кој има коронавирус, а атмосферата на тренинзите е работна, тимот на тренерот Стевче Алушовски на денешниот тренинг играше „топка пластика“ што е некаква комбинација на ракомет и одбојка, и тоа со топка која многу неправилно се движи и се контролира потешко отколку класична тркалезна топка.
На мечот со Нексе, нема да има публика, ограничен ќе биде бројот на новинари и фоторепортери на кои ќе им се мери температура при влезот, но би требало Вардар 1961 да успее да го победи Нексе и да ја продолжи серијата секоја сезона да биде учесник на Фајнал-фор турнирот во СЕХА. Досега пласман на Ф4 имаат обезбедено ППД Загреб и Мешков Брест.
На Фејсбук страницата на клубот беше објавено видео на кое се гледа што е тоа „топка пластика“ што го тренира тимот. Погледнете:
