1803 Ајнтрахт Франкфурт – Борусија Дортмунд (Сабота, 15.30 часот)
Тешко ми е да типувам против Ајнтрахт Франкфурт, екипа за која сум играл и имам прекрасни спомени, но реално Борусија Дортмунд е фаворит.
Гостите имаат полетен тим, млад, со многу талент и квалитет и се фаворити за победа. Проблем ќе им биде што се повреди Ерлинг Халанд. Тоа е голем хендикеп за Борусија. Има најава дека и Џан и Хумелс нема да играат, а добро за Милионерите е што навреме си обезбедија пласман во нокаут фазата во Лигата на шампионите, па можат да се посветат посериозно на дуелите во Бундеслигата.
Ајнтрахт тешко игра против Борусија, има лоша серија од 8 меча без триумф во меѓусебните дуели и екипата од Дортмунд не им лежи. Сепак им растат шансите за добар резултат, поради доста отсутни играчи кај гостите, па ќе одбегнам да типувам конечен исход и мојот предлог за овој меч е дека ќе има најмалку три гола.
Предлог тип: 3+ (1.53)
1804 Келн – Волфсбург (Сабота, 15.30 часот)
Волфсбург е хит во првите девет кола во Бундеслигата. Волците играат одлично, што не ме изненадува. Имаат добар тим и податокот дека се уште се без пораз повторно ги исфрла како сериозни кандидати во битката за место што води во европските купови.
Шпицот Вут Вегхорст им е во топ-форма, а и целиот тим функционира беспрекорно. Проблем ќе им биде традицијата, бидејќи немаат многу успеси кога му гостуваат на Келн и се без победа од 2011 година на „Рајн Енерџи Парк“.
Келн има скромен старт со само една победа во германското првенство и очекувам Волфсбург да ја прекине низата од неуспеси против нив на гостински терен и да победи.
Предлог тип: 2 (2.20)
1805 Фрајбург – Борусија Менхенгладбах (Сабота, 15.30 часот)
Гостите имаат клучен меч за играње во Лигата на шампионите против Реал во Мадрид, но Германците не знаат да калкулираат и очекувам Борусија и денеска да оди на победа против Фрајбург.
Тимот од Менхенгладбах игра убав фудбал, ефикасен и напаѓачки, па во тој стил очекувам да продолжат и денеска. Фрајбург заглави во Бундеслигата со серија од 8 меча без победа и веројатно се надеваат на изненадување против тим што има приоритет да мисли на клучниот дуел во Лигата на шампионите.
Сепак мислам дека немаат квалитет и се во лоша форма за да го изнанадат одличниот тим од Менхенгладбах, па ќе типувам победа на гостите.
Предлог тип: 2 (2.05)
1806 Баерн – Лајпциг (Сабота, 18.30 часот)
Дербито во Бундеслигата доаѓа во незгодно време за Лајпциг. Мора да играат против актуелниот европски првак на неколку дена пред мечот со Манчестер јунајтед, што им е клучен за пласман во осминафиналето во Лигата на шампионите.
Тоа ќе биде хендикеп за гостите, а Баерн може да игра порелаксирано, бидејќи веќе е во нокаут фазата во ЛШ.
Сепак на дерби дуели се е можно. Без разлика на ситуацијата во која се гостите тешко се типува ваков меч на конечен резултат.
И двете екипи се во топ-форма, имаат екстра-квалитетни играчи, па очекувам дербито во Бундеслигата да биде за уживање и со многу голови.
Предлог тип: 4+ (1.82)
1808 Шалке 04 – Баер Леверкузен (Недела, 18 часот)
Шалке 04 во последните две сезони, вклучувајќи ја и оваа што е на почетокне личи на себе. Проблемите само се таложат, па нема да биде изненадување ако го урнат и европскиот рекорд на Дерби Каунти по број на мечеви без победа.
Баер игра во напорен ритам, бидејќи учествува и во натпреварите од Европа Лигата, имаат неколку повредени играчи, но и без нив победуваат.
Серијата од 7 меча без пораз и квалитетот што е на страната на гостите му дава големи шанси на тимот од Леверкузен да забележи нов успех.
Шалке 04 е единствениот тим без победа во Бундеслигата и очекувам така да остане и по дуелот со Баер.
Предлог тип: 2(1.57)
