По 12 првенствени меча, шест порази и пет ремија, Ватфорд конечно освои три бода во премиерлигашки дуел. На гостувањето на „Кероу роуд“ Стршлените славеа со 2-0 против Норвич во битката на фенерџиите.
Гостите преку Делофеу уште во втората минута поведоа, а дури во 52-та минута го дочекаа вториот гол на Греј со кој ги осигураа бодовите и сефте победата во англискипт шампионат. Црвениот картон на Кабаселе на околу половина час до крајот не донесе проблеми на тимот на Ватфорд, па со 10 играчи го сочуваа водството.
Ватфорд со оваа победа му го препушти последното, 20-то место на табелата на Норвич, додека екипата која ја предводи Санчес Флорес е на 18-тата позиција со 8 бода.
https://twitter.com/viaVide54347416/status/1192896970525937666
