Кога се чинеше дека Марцело Брозовиќ ќе тргне по стапките на Лука Модриќ и ќе одбие богат договор со клуб од Саудиска Арабија, за што добиваше пофалби, денеска изгледа се случил пресврт и Брозовиќ сепак ќе заигра за Ал Наср и ќе стане соиграч на Кристијано Роналдо и Хаким Зијеш.
Ал Наср ги прифатил сите услови кои им ги побара Хрватот, договорена е и откупната клаузула (23 милиони евра) која Саудијците ќе му ја платат на Интер, а целата операција ќе вреди околу 100 милиони евра.
Интерес за Брозовиќ имаше од Барселона, но Каталонците ја немаат финансиската моќ на Ал Наср.
Брозовиќ ќе потпише тригодишен договор, а утре треба да ги мине лекарските прегледи.
