Каролина Вознијацки неполни 24 часа откако објави дека по тригодишна пауза, му се враќа на тенисот, доби можност да настапи на последниот годинешен гренслем-турнир, Отвореното првенство на САД.
Организаторот на САД Опен, на својот официјален профил на Твитер објави дека поранешната светска тенисерка број 1, ќе добие специјална покана за настап.
Каролина Вознијацки во кариерата има една гренслем-титула, таа во Австралија 2018 година, а двапати играше во финалето на САД Опен, во 2009 и 2014 година и беше поразена од Ким Клајстерс и Серена Вилијамс.
Caroline Wozniacki is making her return to tennis!
She’s been awarded a US Open wild card. pic.twitter.com/RkFkK5kuZK
— US Open Tennis (@usopen) June 29, 2023
Вознијацки во 2020 година замина во пензија, со сопругот Дејвид Ли, кој е поранешен НБА-кошаркар, имаат две деца, ќерката Оливија и синот Џејмс, а вчера објави дека му се враќа на тенисот.
