Почетокот на Лигата на шампионите за жени носи и дуел кој би бил огромно дерби во машкиот фудбал. Силите ќе си ги одмерат женските тимови на Јувентус и Барселона.
Каталонскиот тим е со многу поголемо реноме, Барса во минатата сезона дојде до финалето на ЛШ, па затоа ексклубот на Наташа Андонова е голем фаворит на ова гостување. Џенифер Ермосо е женскиот пандан на Меси, од неа треба најмногу да се плашат во Јуве.
Во женската ЛШ нема групна фаза, веднаш се стартува со елиминации, првото коло е 16-финале. Реванште се играат на 25 и 26 септември. Потоа следуваат осмнафинале, четврт-финале, полуфинале и финалето на 24 мај во Виена. Актуелен европски првак е Лион, кој денеска гостува кај рускиот тим Рјазан ВДВ.
