УЕФА му даде зелено светло на Реал Мадрид натпреварот со РБ Лајпциг да се игра со затворен покрив, и тоа е историски момент бидејќи за првпат еден натпревар од европските купови ќе се игра во таков амбиент.
На дуелите од Лигата на шампионите, УЕФА е таа која го има последниот збор и потребна е дозвола, која беше дадена денеска претпладне.
На состанокот на УЕФА беше договорено и тревата да се полева по загревањето и на полувремето. На полниот „Сантијаго Бернабеу“ ќе има 76.000 фанови на Реал и 4.250 Германци кои ќе го бодрат Лајпциг и ќе присуствуваат на историја.
Вечер и да врне во Мадрид, публиката и фудбалерите ќе останат суви, а нема да се чувствува ниту ветер.