Вејн Руни стана легенда на Манчестер јунајтед и рекордер по број на постигнати погодоци во дресот на најтрофејниот англиски клуб. Сер Алекс Фергусон беше тренерот кој имаше верба во Руни и уште како тинејџер го донесе на „Олд Трафорд“ и му даде шанса. Со години Руни играше под водство на Фергусон, се додека легендарниот шкотски менаџер не реши да оди во пензија.
По заминувањето на Фергусон, на клупата на Манчестер дојде и Луи ван Гал. Холанѓанецот не се задрѓа долго на „Олд Трафорд“, но успеал да остави голема трага кај Руни. Според англискиот голгетер, токму Ван Гал е најдобриот тренер што некогаш го водел.
„Ван Гал е најдобар ако се гледа од тактички аспект на играта. Донесе дефанзивна форма и секој си ја знаеше својата работа на теренот. Целта беше подеднакво да работиме во одбраната и во нападот. Ван Гал освои неколку трофеи, но на крајот не испадна како што се надевавме“, рече Руни.
Холандскиот стратег освен во Манчестер, низ кариерата беше тренер и во Ајакс, Барселона, Баерн Минхен, АЗ Алкмар, како и на чело на холандската репрезентација.
