Фудбалската репрезентација на Велс која задутре ни гостува во Скопје во меч од квалификациите за Светско првенство, е специфична по една работа која ја прават само тие и никој друг во светот.
Кога треба да се фотографираат пред натпревар, никогаш не се редат како што е вообичаено, шестмина позади кои стојат и петмина под нив напред кои клечат, и ова им е традиција, чудна за остатокот од светот.
Тие позираат во разни бизарни „неорганизирани“ формации, со пет играчи одзади и шест клекнати напред, но малку полево од оние што стојат со оставен слободен простор, еднаш се наредија само тројца што стојат и осуммина клекнати.
Тоа не го прават од суеверие, на лице место се договараат како ќе застанат, но никогаш не е организирана стандардна тимска фотографија.
Не само мажите, и женскиот национален тим на Велс со години го прави истото.
