Фудбалерите на Венеција дојдоа до бодови кои на крајот може злато да вредат во борбата за опстанок во Серија А. На домашен терен ја победија Фиорентина со 2-1 и ѝ го компликуваа патот до Лигата на шампионите, но и воопшто излезот во фудбалска Европа.
„Виолетовите“ остануваат на деветтата позиција после 36-тото коло со 59 бода, пет помалку од четвропласираниот Јувентус. Сепак, за Фиорентина ќе биде проблем да дојде до пласман и во Лигата на Европа или Конференциската лига.
За разлика од нив, Венеција со 29 бода сега е во сигурната зона, но со само бод предност од Лече, кој е 18-ти.
60′ CANDÉ! Sblocca il match, avanti il Venezia allo scoccare dell’ora di gioco 🚀🚀🚀#VeneziaFiorentina 1-0 pic.twitter.com/xwmMLloQhp
— Lega Serie A (@SerieA) May 12, 2025
Победата за Венеција ја донесоа Фали Канде и Гаетано Ористано, додека почесниот погодок за Фиорентина беше дело на Роландо Мандрагора.
