Венецуела ja забележа втората последовна победа на Копа Америка и се пласираше во четвртфиналето, откако победи Мексико со 1-0. Единствениот погодок го постигна Хосе Саломон Рондон од пенал во 57. минута.
На почетокот на турнирот Венецуела исто така победи против Еквадор и со шест бода си обезбеди едно од првите две места во групата Б. Мексико остана со три бода од победата над Јамајка.
Двете селекции пристапија многу внимателно и до паузата немаше големи шанси за гол.
Во 57. минута ветеранот Хосе Саломон Рондон постигна гол од пенал за Венецуела, кој беше досуден поради прекршок над Хулијан Кинонес.
Во финишот Мексико имаше шанса да израмни. „Ацтеките” исто така добија пенал, но ударот на Орбелин Пинеда го одбрани голманот Рафаел Ромо.
Во последниот круг Мексико треба да брка победа против Еквадор во одлучувачкиот натпревар за двата тима.
Еквадор ја совлада Јамајка со 3-1. Кеси Палмер во 13.минута си постигна автогол, а Кендри Паез од пенал зголеми на 2-0 во последните мигови на првиот дел. Јамајка постигна гол за надеж во 54.минута преку Михаил Антонио, но триумфот на Еквадор го потврди Алан Минда во 90.минута од дуелот.
