Пред стадионот на клубот денеска беше откриена бронзена статуа на легендарниот тренер на Арсенал, Арсен Венгер, како го крева пехарот наменет за шампионот во Премиер лигата. Статуата е висока 3,5 метри и ја изработи Џим Гај, а е поставена пред трибината „Норт Банк“.
https://twitter.com/premierleague/status/1684936927307354112?s=20
Французинот на клупата на Арсенал седеше од 1996 до 2018 година и освои три титули во Премиер лигата, од кои една на неверојатен начин, без ниту еден пораз.
Венгер го водеше Арсенал од клупата на 1.235 натпревари, а со Топчиите играше 20 сезони по ред во Лигата на шампионите.
https://twitter.com/i/status/1684934290780332033
Венгер ќе биде почесен гостин на Арсенал на натпреварот од Купот на Емиратите против Монако кој ќе се игра в среда и тогаш за првпат ќе ја види неговата статуа пред стадионот.
Ова е петта статуа пред стадионот на Арсенал, а пред Венгер статуи добија Тони Адамс, Денис Беркамп, Херберт Чепмен, Кен Фрaeр и Тиери Анри.
