Тренерската икона, Арсен Венгер, направи споредба на двајцата најдобри аргентински, а за многумина и најдобри во историјата на светскиот фудбал, Диего Армандо Марадона и Лионел Меси. Францускиот стручњак нема дилеми кој од нив бил подобар фудбалер.
„Марадона имаше нешто волшебно. Беше создавач, гениј кој на терен воспоставуваше свој свет. Сите сакавме да бидеме Марадона, заборавајќи ги сите глупости кои ги правеше во животот. Тој беше таков, едноставно единствен. Имав чест да му бидам тренер на еден ревијален меч кога имаше 50 години. Не му беше добро, одвај одеше, но магично си играше со топката. Баџо и Деј Пјеро беа во неговиот тим, но тој најмногу ја имаше топката. Марадона е единствениот кој можеше да каже Божја рака и тоа да му биде простено. Секој друг би го растргнале, сетете се на голот со рака на Анри против Ирска“ – вели Венгер.
Венгер вели дека Аргентина и денеска го има најдобриот фудбалер на светот.
„Одлични генерации на фудбалери не успеаја со Меси да освојат трофеј. Дури и Меси знае дека додека не успее да овои нешто големо со Аргентина, ќе живее во сенката на Марадона. Меси во однесувањето е спротивен од Марадона, кој беше подружељубив. Лео е смирен, затворен, малку зборува. Но, двајцата се генијалци. Меси направи повече на клупско ниво, но за да го стигне Марадона, мора да освои Мундијал“ – смета Венгер.
