Вест хем победи со 2-0 на гостувањето кај Њукасл во единствениот денешен натпревар од англиската Премиер лига.
Со оваа победа Чеканите малку се издвоија од опасната зона на табелата, а на Чавките им ја прекинаа низата од две победи по ред.
Њукасл добро почна, даде гол во петтата минута, но погодокот беше поништен. Потоа гостите дадоа гол во 10-тата минута, а интересен момент беше и кога на корпулентниот Мајкл Антонио му се скина дресот, што не е добра реклама за произведувачот на опремата.
