Расел Вестбрук не можеше да го прифати поразот на Оклахома на гостувањето кај Денвер, па пред крајот од средбата сакаше дури и да се тепа. Се играше последната минута кога по едно судиско потфрлање, Вестбрук најпрво го оттурна Џемал Мари. На таквата реакција на гостинскиот играч реагираа домаќините, а Јокиќ се најде во близина на Вестбрук, кој потоа се нафрли и на Србинот.
Започнаа вербални навреди, а Вестбрук му се закануваше на Јокиќ дека ќе го истепа. Најдобриот играч на Денвер прилично смирено го гледаше противникот кој беше немоќен на теренот. Јокиќ е најзаслужен за победата на Денвер постигнувајќи 24 поени, 15 скока и девет асистенции.
Прашање е дали и да му беше дозволено на Вестбрук да се доближи до Јокиќ, ќе успееше да го истепа или тој ќе го добиеше „подебелиот стап“.
