Расел Вестбрук со своите 17 поени во убедливиот пораз на Сакраменто од Феникс од 102-129, го надмина славниот Оскар Робертсон и со 26.711 поени во кариерата стана најдобар стрелец меѓу плејмејкерите во историјата на НБА лигата.
Вестбрук сега е 15-ти на вечната листа, а од 14-мината кои се пред него, има само тројца бекови шутери и тоа Коби Брајант, Мајкл Џордан и Џејмс Харден, сите други се центри или крила. Популарниот Рас е лидер во историјата и според бројот на направени трипл-дабли, а има и најмногу скокови меѓу бековите.
Најинтересниот меч синоќа се одигра во Милвоки, каде Јанис Адетокумбо со забивање на 4,7 секунди до крајот му донесе победа на Бакс над Шарлот од 122-121.
Оклахома Сити тандер го разби Голден стејт со 131-94 и стана првиот тим со 30 победи сезонава. Тандер има и пет порази, и останува на патот регуларната сезона да ја заврши со 70 или повеќе триумфи, нешто што досега во историјата на НБА се случило само двапати.
Лука Дончиќ со 34 и Леброн Џејмс со 31 поен беа творци на победата на Лос Анџелес лејкерс над Мемфис од 128-121, па во американските медиуми на овој пеколен тандем му дадоа прекар „Брончиќ“.
На мечот во кој Чикаго го совлада Орландо со 121-114, беше видено веројатно најатрактивното забивање сезонава во изведба на Матас Бузелис. Погледнете:
“That might be the dunk of the year.”
Matas Buzelis makes his case for slam of the season! https://t.co/bODetJUvLO pic.twitter.com/5OpMnFAMjh
— NBA (@NBA) January 3, 2026
