Артуро Видал погоди во 15. минута за Барселона, доволно за победа на актуелниот шпански првак против Валјадолид на „Зорилја“.
Чилеанецот ја искористи одличната асистенција на Лионел Меси и го постигна победничкиот гол на мечот.
https://www.youtube.com/watch?v=HY_CA9jFIq8
За Видал ова е седми гол во Ла Лига сезонава и кога тој погодува Барселона победува. На шест меча на кои Артуро беше стрелец Каталонците ги овојуваа бодовите, а само еднаш беше нерешено и тоа на дуелот со Еспањол на „Камп Ноу“ што заврши нерешено 2:2.
Барселона имаше уште неколку чисти шанси за гол, а во 19. минута прописно се посрамоти Антоан Гризман. Напаѓачот на гостите имаше зицер за 2:0, но се сплетка и ја промаши топката.
Неговата утка можеше да ја казни Валјадолид, но Марк-Андре Тер Штеген во 61. минута одлично го одбрани ударот на Унал.
Valladolid – Barcelona – 61′ Ter Stegen save on header from soccer
Барселона остана на втората позиција со 79 бода, еден помалку од вечниот ривал Реал Мадрид, но со меч повеќе.
Валјадолид со 39 бода е на безбедната 14. позиција и речиси сигурно ќе игра во Ла Лига и следната сезона.
Во истиот термин од 19.30 часот вечерва Рома ја победи Бреша со 3:0 на гостински терен со головите на Фазио, Калиниќ и Заниоло.
