Интер од вчера е нов италијански првак, што е прво Скудето за Нераѕурите по пауза од 11 години. Ако Интер чекаше повеќе од една деценија да освои шампионски трофеј, на еден од играчите во сино-црниот дрес тоа му стана навика.
Артуро Видал се израдува на титула и тоа деветти пат во последните 10 години и тоа со четири различни клубови. Низата на Видал започна од 2012 година и тоа додека го носеше дресот на Јувентус. Чилеанецот со Старата дама освои четири титули во низа, а потоа направи трансфер во Баерн Минхен. Со баварскиот гигант ја продолжи низата и освои три титули во Бундеслигата.
Барселона беше следниот клуб на Видал, каде замина во 2018 година и веднаш стана првак на Шпанија. Следната сезона му е единствениот кикс. Само во сезоната 2019/20 Видал не беше првак, затоа што Барселона заврши на второто место.
Пред почетокот на оваа сезона, Видал направи трансфер во Интер и уште во првата сезона повторно се радуваше на Скудетото во Серија А. Едноставно Видал е магнет за титули во домашните првенства.
Arturo Vidal em ligas nacionais:
🏆 2011/12 – Juventus
🏆 2012/13 – Juventus
🏆 2013/14 – Juventus
🏆 2014/15 – Juventus
🏆 2015/16 – Bayern
🏆 2016/17 – Bayern
🏆 2017/18 – Bayern
🏆 2018/19 – Barcelona
🥈 2019/20 – Barcelona
🏆 2020/21 – InterSerá que tá bem de taça? pic.twitter.com/8xVjv8XkCe
— FOX Sports Brasil (de 🏠) (@FoxSportsBrasil) May 3, 2021
