Чилеанскиот фудбалер Артуро Видал, кој поради повреда ќе отсуствува од терените уште два-три месеца, има слободно време да гледа европски фудбал и не бил импресиониран од тоа што го видел во првото коло на Лигата на шампионите.
Видал, кој е играч на бразилскиот Атлетико Паранаенсе, особено ги искритикува играчите на Њукасл.
„Го видов најлошиот меч во историјата на Лигата на шампионите, тоа беше оној на Милан и Њукасл. Барселона беше како машина, напаѓаа како луди, никој друг не го прави тоа, и Порто – Шахтар беше одличен меч. Манчестер сити беше здодевен како и секогаш, на ПСЖ – Борусија ми се допадна второто полувреме, во првото ќе заспиев. Но, оние идиоти од Милан и Њукасл, катастрофа. Њукасл знаат само да трчаат, не можам да ги разберам, ова е ЛШ, требаше да гинат, ме изнервираа ептен. Завршија четврти во лигата, а не прават ништо на терен, грозно“, анализираше Видал, кому повеќето мечеви му биле здодевни.
