Кога уште пред два месеци најави дека сака да игра уште една сезона во НБА лигата, беше јасно дека Винс Картер ќе најде клуб и ќе успее да постави рекорд кој досега не се памти во најсилната лига во светот. Легендарниот Картер ќе ја игра 22-та сезона во НБА лигата, нешто што не му успеало на ниту еден друг кошаркар претходно.
Картер кој има 42 години, ќе го носи дресот на Атланта каде што настапуваше и минатата сезона. Јастребите му дадоа нов едногодишен договор на ветеранот, кој зад себе ги остави Роберт Периш, Кевин Вилијамс, Кевин Гарнет и Дирк Новицки. Овие кошаркари одиграа по 21 сезона во НБА и се повлекоа, но Картер реши да биде првиот со 22 сезони во НБА кариерата.
Ако одигра меч по 1 јануари следната година, Картер ќе стане и првиот кошаркар во историјата кој во кариерата фатил четири децении. Неговиот прв меч во НБА беше во 1999 година, како дебитант во дресот на Торонто репторс.
Vince Carter is returning to the Hawks, a league source tells @wojespn.
If he plays in a game after January 1, 2020, he will be the first player in NBA history to play in 4 different decades. (via @EliasSports) pic.twitter.com/v9zZ6yY7xS
— ESPN (@espn) August 5, 2019
Дега е одлично подготвен, Картер покажа минатата сезона кога одигра дури 76 мечеви, а во просек на паркетот поминуваше 17 и пол минути. Просекот му беше 7,6 поени, што е одлично за еден „дедо“.
Иако ќе биде кошаркарот со најмногу НБА сезони, Картер нема да биде најстариот кошаркар што играл во НБА. Кога ќе заврши сезоната, Винс ќе има 43 години и 80 денови, а тоа е далеку од можноста да биде најстариот играч во историјата на лигата. Тој рекорд му припаѓа на Нет Хикеј кој самиот на себе си го овозможи тој рекорд. Во далечната 1948 годиниа, Нет бепе тренер и играч на Провиденс Стимролерс (еден од седумте оригинални тимови на тогашната БАА). Во пресрет на неговиот 46-ти роденден, Нет тогаш реши да си даде шанса и да поигра по некоја минута, со што постави рекорд кој можеби никогаш нема да биде срушен во НБА.
Доколку не го сметаме тој рекорд на Нет, најстар кошаркар кој играл во НБА е Кевин Вилис, кој на теренот беше со 44 години и 224 денови. Пред Картер се уште и Роберт Периш (играше со 43 години и 254 денови), како и Дикембе Мутомбо, кој ќе падне зад Винс, кога актуелниот играч на Атланта ќе се појави на теренот во новата сезона.
