Атланта хокс стигна само до деветтата овосезонска победа совладувајќи ги Детроит пистонс со 98:95. Ветеренот Винс Картер потсети на неговите најдобри денови, не му е проблем да ја забие топката и на 42 години. Картер го оствари својот сезонски рекорд по број на поени, заврши со 18, дури 14 поени од нив ги реализираше во првата четвртина, а додаде и седум скока во својата статистика.
Vince Carter puts up 14 PTS (5-6 FGM) for the @ATLHawks in the 1st half! #TrueToAtlanta pic.twitter.com/2krbqjaQ6c
— NBA (@NBA) December 23, 2018
Далас маверикс во продолженија загуби на гостувањето кај Портланд при конечни 121:118, а потегот на мечот го имаше Лука Дончиќ. Словенечкото чудо од дете повторно правеше атракции, а изнуди да се игра дополнителен период откако погоди тројка на 0,6 секунди за израмнување на 107:107.
Сепак, домаќините беа подобри во решавачките минути, а вистинска штета е што Далас не го украси делото на Дончиќ со победа. Словенецот заврши со дабл-дабл од 23 поени и 11 скока, од Далас најефикасен беше Барнс со 27 поени, додека Портланд ги предводеше Лилард со 33 поени и седум асистенции.
https://twitter.com/NBA/status/1077058135729287168
Резултати НБА:
Детроит пистонс – Атланта хокс 95:98
Индијана пејсерс – Вашингтон визардс 105:89
Бостон селтикс – Шарлот хорнетс 119:103
Бруклин нетс – Феникс санс 111:103
Кливленд кавалирс – Чикаго булс 92:112
Орландо меџик – Мајами хит 91:115
Саскраменто кингс – Њу Орлеанс пеликанс 122:117
Оклахома сити тандерс – Минесота тимбервулвс 112.114
Голден стејт вориос – ЛА клиперс 129:127
Портланд трејлблејзерс – Далас маверикс 121:118
ЛА лејкерс – Мемфис гризлис 99:107
