Флоријан Вирц веќе се наоѓа во Англија и ќе ги помине задолжителните лекарски прегледи пред официјализацијата на неговиот трансфер во Ливерпул. Германскиот репрезентативец пристигна во Манчестер, пред да се упати кон Мерсисајд, каде што ќе потпише долгорочен договор со актуелниот шампион на Англија.
🚨🎥 Florian #Wirtz landing in Manchester at 16:42 local time – set to begin his medical later this evening! #LFC 🛬
— Florian Plettenberg (@Plettigoal) June 19, 2025
📸 @Sky_Marlon89 | @SkySportDE 🇩🇪
pic.twitter.com/AgTzP5uvtn
По долги преговори меѓу Ливерпул и Баер Леверкузен, двете страни конечно постигнаа договор за трансферната сума. Англискиот гигант ќе плати 116 милиони фунти, откако претходните три понуди беа одбиени од страна на Германците, кои бараа околу 150 милиони евра (127 милиони фунти).
Вирц, кој се етаблираше како една од најсјајните ѕвезди во Бундеслигата и како ново лице на германската репрезентација, ќе биде на располагање на Арне Слот уште од почетокот на претсезонските подготовки.
