Македонскиот репрезентативец Висар Муслиу е промовиран како нов играч во екипата на Сент Труден. Централниот дефанзивец кој кариерата ја започна во Ренова, за прв пат ќе има предизвик да игра во првенството на Белгија.
Муслиу во Сент Труден доаѓа од германската екипа Падерборн, каде настапуваше од 2023 година. Искусниот 30-годишен дефанзивец има 59 настапи за македонската репрезентација, а во богатата клупска кариера има настапувано и за екипите на Фехервер, Шкендија и Вардар.
Сент Труден сезонава во белгиското првенство не игра според посакуваното. По 24 одиграни кола, тимот има освоено само 24 бодови и моментално е на 14 место од 16 екипи. Тимот има примено дури 46 голови и ја има втората најслаба одбрана, што значи дека Муслиу ќе има голем предизвик да помогне да се направи стабилност во дефанзивниот ред.
